I jashtëzakonshëm Fisnik Asllani, dhuron dy asistime të mrekullueshme për Hoffenheimin

21:29 | 14 Janar 2026
E.G

Hoffenheimi po udhëheq me rezultat të thellë 4-0 pas pjesës së parë në shtëpi ndaj Borussia M’Gladbach në kuadër të javës së 17-të në elitën e futbollit gjerman.

Vendimtar për këtë epërsi të thellë të klubit gjerman po del të jetë sulmuesi kosovar Fisnik Asllani.

Ani pse jo me gola, Asllani ka kontribuar në dy nga këta gola të shënuar të Hoffenheimit duke asistuar për mrekulli për shokët e skuadrës.

Ylli kosovar fillimisht asistoi për mrekulli në minutën e 24-të për Tim Lemperle, i cili realizoi për rezultatin 2-0.

Asllani doli në skenë sërish, duke asistuar kësaj radhe për Andrej Kramaric, i cili në minutat shtesë të pjesës së parë realizoi për 3-0.

Kujtojmë se Asllani deri më tani këtë sezon ka gjashtë gola të realizuar në kampionat, teksa me këto dy asistime tani shkon në shifrën e katër ‘dhuratave’ për bashkëlojtarët./Telegrafi/